Sport24.az
Misli Premyer Liqasının ikinci oyun günü Zirədə yekunlaşacaq. Sport24.az xəbər verir ki, qəsəbənin eyniadlı təmsilçisi "Səbail"i qonaq edir.
Meydan sahibləri hazırda turnir cədvəlinin ikinci pilləsində qərarlaşıb və avrokuboklara vəsiqə uğrunda mübarizə aparır. "Araz-Naxçıvan"ın dünən məğlub olması "qartallar"ın işinə yaraya bilər. Rəşad Sadıqovun komandası qələbə qazanacağı təqdirdə 3-cü pillədəki Naxçıvan təmsilçisi ilə xal fərqini 5-ə çatdıracaq.
Autsayder "Səbail"in vəziyyəti turdan-tura ağırlaşır. Elitanı tərk etməyə ən real namizəd olan "dənizçilər" Zirədən xal və xallarla ayrılmağı düşünsə də bu heç də inandırıcı görünmür.
Qeyd edək ki, görüş saat 17:30-da başlayacaq.
Misli Premyer Liqası
III dövrə, XXVI tur
17:30. "Zirə" - "Səbail"
Hakimlər: Tural Qurbanov, Asiman Əzizli, Rəhman İmami, Kamranbəy Rəhimov
VAR: Rəşad Əhmədov
AVAR: Pərvin Talıbov
Hakim-inspektor: Ceyhun Haşımov
AFFA nümayəndəsi: Emin Cəfərov
Zirə. İdman Kompleksinin stadionu.
