Sport24.az
"Difai" ilə oyuna ciddi hazırlaşmışıq. Rəqibimizi analiz etmişik. Matçda mübarizə aparıb 3 xalla Bakıya qayıtmaq istəyirik".
Bu sözləri Birinci Liqa təmsilçisi "Qaradağ Lökbatan"nın futbolçusu Bahadur Həziyev liqanın 15-ci turunda keçiriləcək "Difai" ilə oyundan öncə Sport24.az-a açıqlamasında bildirib.
Premyer Liqada "Səbail" və "Şamaxı" klublarında da çıxış edən Həziyev legioner limitinin ləğv olunmasına münasibət bildirib:
"Legioner limitinin ləğv olunması bir tərəfdən yaxşı hal ola bilər. Belə olan halda Premyer Liqada komandaların sayı çox olacaq. Yerli futbolçular arasında rəqabətin olmağı yaxşı amildir".
Qeyd edək ki, "Difai" "Qaradağ Lökbatan" oyunu bu gün saat 14:00-da start götürəcək.
