Sport24.az
"Mən Azərbaycanda çıxış edəndə futbola çoxlu pul qoyuldu. Braziliyadan oyunçular gətirildi. O vaxt futbolun simasını bir az dəyişməyə çalışırdılar. Azərbaycanda bir neçə rumıniyalı futbolçu var idi. Çoxlu pul da verilirdi". Sport24.az xəbər verir ki, bunu 2010/2011 mövsümündə "Xəzər Lənkəran"da çıxış etmiş rumıniyalı futbolçu Stelian Stanku yerli "PRO TV"yə açıqlamasında deyib.
43 yaşlı sabiq yarımmüdafiəçi FCSB-nin Avropa Liqasındakı rəqibi "Qarabağ" haqqında danışıb:
"Qarabağ" o vaxt ən yaxşı komandalar sırasında deyildi. Hardasa 5-6-cı pillələrdə qərarlaşırdı. Yaxşı komandaların bir neçəsi dağılıb. İndi bircə "Neftçi" qalıb.
"Rəqib ötən il avrokuboklarda daha yaxşı mübarizə aparırdı. Bu il bir az zəifləyib. Amma matç FCSB üçün asan olmayacaq. Lakin qələbə qazanmaq da mümkündür".
Qeyd edək ki, bu gün Tofiq Bəhramov adına Respublika Stadionunda keçiriləcək "Qarabağ" - FCSB oyunu saat 21:45-də start götürəcək.
