Sport24.az
Misli Premyer Liqasının XXIX turunda keçirilən "Səbail" – "Turan Tovuz" (0:0) matçından sonra qonaq komandanın baş məşqçisi Kurban Berdıyev jurnalistlərin suallarını cavablandırdı. Sport24.az xəbər verir ki, mütəxəssis əvvəlcə oyunla bağlı fikirlərini bölüşdü:
– Yaxşı başa düşürük ki, bu gün 2 xal itirdik. İlk hissədə ehtiyatlı oynadıq. İkinci yarıda nisbətən yaxşı oynadıq, amma qol çatışmadı.
– Son 5 oyunda 2 xal toplamısız. Avrokuboklara yollanmaq nə dərəcədə realdır?
– Razıyam. Amma futbolçularla danışıqlar gedir. Ümid edirəm ki, bundan sonra daha yaxşı çıxış edəcəyik.
– Tural Bayramlınl deyəsən ümumiyyətlə heyətdən silmisiz…
– Xeyr, sadəcə həmin mövqedə rəqabət güclüdür.
– Oyundan sonra Veysəl Rzayevlə azarkeşlər arasında baş verən insident nəyə görə oldu?
– Məlumatım yoxdur.
– Anton Kraçkovskini niyə oyunlarda görmürük?
– Sırf bugünkü oyunda xəstə idi.
– Bundan əvvəlki oyunlarda da onu görmürdük. Bir səbəbi var?
– Bu, elə bir mövqedi ki, rəqabət güclüdür. Həm də legioner olması təsir edir?
– Qış transferində edilən transferlər effektiv görünmür. Bunun məsuliyyətini kim daşıyır?
-Deməzdim ki, uğursuz transferlərsir. Məsələn, Hurtado ilə Jorlaem uğurlu transferlərdir.
