"Turan Tovuz"un yeni transferi Kristian Da Silva Braziliya mətbuatına danışıb. Sport24.az xəbər verir ki, yarımmüdafiəçi "Terra"ya açıqlamasında "Sabah"dan ayrılaraq Tovuz klubuna keçidini şərh edib:
"Turan-Tovuz"da oynamaq şansım yarandığı üçün çox şadam. Bu, mənim çox yaxşı tanıdığım klubdur. Son üç mövsümü Azərbaycanda keçirmişəm, ona görə də yeni kluba uyğunlaşma asan olacaq. "Turan Tovuz" yaxşı struktura malikdir və orda yaxşı şərait yaradıb. Ümid edirəm ki, mənə olan ümidləri doğrulda biləcəm və bu mövsüm kluba kömək edəcəm. İndi mövsümöncəsi məşqlərə başlayırıq, qarşıda bizi yoldaşlıq oyunları gözləyir. Tətil zamanı məşq etdim və düşərgəyə yaxşı fiziki formada qoşuldum. İndi komanda yoldaşlarımızla daha da yaxşı hazırlaşmağın vaxtıdır. Çalışacam ki, uğurlu mövsüm keçirim və klubun qarşıya qoyduğu məqsədlərə çatım".
Qeyd edək ki, braziliyalı futbolçu "Turan Tovuz"la 1+1 illik müqavilə imzalayıb.