İdman.biz
"Turan Tovuz"un qolkiperi İvan Konovalovun Offsideplus.az-a müsahibəsi
- Premyer Liqanın son turunda "Səbail"lə heç-heçə etdiniz. Qarşılaşma haqda nə düşünürsən?
- İlk hissədə nə qədər çalışsaq da, istədiyimiz oyunu sərgiləyə bilmədik və fasiləyə məğlub yollandıq. 2-ci yarıda isə əvəzetmələr özünü doğrultdu və məğlubiyyətdən qaça bildik.
- İlk hissənin sonlarında Kristian Da Silva penaltini dəqiq yetirsəydi, fərqli gedişat ola bilərdimi?
- Həmin epizod qol olsaydı, oyunun nəticəsi tamam başqa cür olacaqdı. Düşünürəm ki, status-kvonu bərpa edəndən sonra ikinci hissədə qələbə şansımız daha çox olacaqdı.
- "Səbail" ilə oyunda 1 xal qazandınız, yoxsa 2-ni itirdiniz?
- Bizim üçün vacib qarşılaşma idi. Bu nəticəni gözləmirdik. Düşünürəm ki, 2 vacib xal itirdik.
- Hakimlərin idarəçiliyi barədə nə deyə bilərsən?
- Referilərin öz işləri var. Mən onları müzakirə edə bilmərəm.
- Hazırkı performansından razısanmı?
- Düşünürəm ki, bu barədə məşqçilərimiz danışsa, daha yaxşı olar. Mənim işim meydanda əlimdən gələni etməkdir. Çıxışımı qiymətləndirmək mənlik deyil.
- Qarşınıza qoyulan məqsəd nədir?
- Hər bir oyunda qələbə qazanmaq.
İdman.biz
