Sport24.az
"Qələbə qazanıb rəqiblərimizdən aralanmaq istəyirdik. "Sabah" avrokuboklarda çıxış etmiş komandadı. Heyətində güclü futbolçular var. Bəlkə indiki durumda enişdədirlər. Amma zamanla öz oyunlarını düzəldib yuxarı pillələr üçün oynayacaqlar".
Bunu Sport24.az-a açıqlamasında "Turan Tovuz"un kapitanı Şəhriyar Əliyev Misli Premyer Liqasının XIV turunda "Sabah"a qarşı keçirdikləri oyundan sonra deyib.
Təcrübəli müdafiəçi komandasının bu mövsüm üçün hədəfləri və növbəti turda qarşılacaqları "Araz Naxçıvan"la oyun barəsində danışıb:
"Hər oyunda meydanı xalsız tərk etməmək üçün çalışırıq. Avrokubok uğrunda mübarizədə güclü komandalar var. Əlimizdən gələnin ən yaxşısını edəcəyik. "Araz Naxçıvan" son dönəmdə yüksəlişdədir. Çempionatda bir oyun uduzublar. Klubun hədəfi var. Rəqibi düzgün analiz etməyə çalışacayıq. Ağır oyun bizi gözləyir".
