Sport24.az
Azərbaycan millisinin Millətlər Liqasının qarşıdakı Estoniya və Slovakiya ilə oyunları üçün heyəti açıqlanıb. Oktyabrın 11-i səfərdə Estoniyaya, 14-ü isə doğma meydanda Slovakiyanı qəbul edəcək millimizin heyətinə dəvət alanlardan "Turan Tovuz"un kapitanı Şəhriyar Əliyev də var.
Əliyev Sport24.az-a açıqlamasında milli komandaya dəvət almasını belə şərh edib:
"Ardıcıl ikinci dəfə milliyə dəvət almağım üçün xoşbəxtəm. Yerli çempionatda daimi oynayırıq ki, həm komandamıza uğurlu nəticə qazandıraq, həm də yığmamızın baş məşqçisi Fernandu Santuşun diqqətini cəlb edib millimizə dəvət alaq. Çalışacağıq ki, baş məşqçinin verdiyi tapşırıqları düzgün yerinə yetirib, uğurlu nəticələr qazanaq".
