Sport24.az
"Turan Tovuz"un kapitanı Şəhriyar Əliyev daha iki həftə komandasına kömək edə bilməyəcək. Bu barədə Sport24.az-a 32 yaşlı müdafiəçi açıqlamasında məlumat verib.
O, zədəsi barədə danışıb: "Qış fasiləsindən sonra çempionatdakı ilk matçda cəzalı idim. "Qarabağ"la görüşdən bir gün əvvəl əzələmdə problem aşkarlandı. MRT cavabına və həkimlərin rəyinə görə dörd həftə oynaya bilmərəm. Müalicə prosesi gedir. Bərpa olmağa çalışıram. Artıq iki həftəni geridə qoymuşuq. Bundan sonra ən azı iki həftə yaşıl meydana çıxa bilməyəcəyəm".
Kapitan bütün futbolçuların komandaya xeyir verməyə çalışdığını söyləyib: "Elə vəziyyətdəyik ki, zədəli futbolçularımız çoxdur. Roderik Miller və Denis Marandiçini də itirmişik. Cəzalı oyunçularımız da olur. Mən də zədələnmək istəməzdim. Komandamızda futbolçular yoxluğumuzu hiss etdirməyə çalışırlar. Mən də tez zamanda sıraya dönmək istəyirəm".
Qeyd edək ki, Premyer Liqanın XXII turu çərçivəsində fevralın 9-da "Turan Tovuz" səfərdə "Sabah"la qarşılaşacaq.
