Sport24.az
"Turan Tovuz"un yarımmüdafiəçisi Kristian da Silva Braziliya mətbuatına açıqlama verib. Sport24.az xəbər verir ki, "Terra"ya danışan braziliyalı futbolçu Azərbaycan Premyer Liqasında keçirdiyi 8 oyunda vurduğu iki qoldan bəhs edib:
"Mən həmişə müdafiəyə daha çox diqqət yetirən, komandanın müdafiədən çıxmasına kömək edən və onu təşkil edən oyunçu olmuşam. Buna görə də, hücumda nadir hallarda iştirak edirəm. 2024/2025 mövsümündə bir az daha sərbəstliyim var və bu, statistikada özünü göstərir. Ümid edirəm ki, indi daha çox qol vurub, öz rekordumu qıra bilərəm".
Qeyd edək ki, Kristian da Silva indiyə qədər çıxış etdiyi komandalarda bir mövsümdə iki qoldan çox vurmayıb. O, karyerası ərzində Tovuz təmsilçisindən başqa APOEL, "ÇFR Kluj", "Nasyonal", "Pakoş Ferreyra", "Feyrense", "Kasa Pia", "Akademika Koimbra", "Sabah" kimi komandaların formasını geyinib.
