İdman.biz
Bu gün keçirilməsi nəzərdə tutulan "Turan Tovuz" - "Kocaelispor" yoxlama matçının ləğv olunmasının səbəbi məlum olub.
İdman.biz xəbər verir ki, bu barədə klubun təmsil olunduğu İzmit mətbuatı məlumat yayıb.
"Kocaelispor" tərəfi oyunun canlı yayımlamaq istəyib. Bunun üçün qarşılaşmanın keçirildiyi arenada bütün avandanlıqlar da quraşdırılıb. "Turan Tovuz"un məsələdən son anda məlumat alması görüşün ləğv edilməsi ilə nəticələnib. Tovuz klubu avqustun 3-də Azərbaycan Premyer Liqasının 1-ci turunda "Neftçi" ilə qarşılaşacağını əsas gətirərək, matçın yayımlanmasını qarşı çıxıb.
Qeyd edək ki, "Turan Tovuz" - "Kocaelispor" görüşü bu gün saat 17:00-da start götürməli idi.
İdman.biz
