Sport24.az
Misli Premyer Liqasının 24-cü turunun ikinci oyun gününə "Tofiq Bəhramov"da yekun vurulacaq. Sport24.az xəbər verir ki, lider "Qarabağ" "Sabah"ı qəbul edir.
Son 2 turda meydanı qələbə ilə tərk edən ağdamlılardan fərqli, "bayquşlar" son 6 oyunda yalnız bir dəfə 3 xala sevinib.
Cari mövsüm bu komandaların qarşıdurmasında "Qarabağ" üstün tərəfdir. İlk dövrədəki matç "süvarilər"in 3:2 hesablı qələbəsi ilə yekunlaşıb. İkinci görüşdə isə qalib müəyyənləşməyib - 1:1.
Qeyd edək ki, tur sabah keçiriləcək "Şamaxı" - "Turan Tovuz" və "Zirə" - "Kəpəz" oyunları ilə başa çatacaq.
Misli Premyer Liqası
III dövrə, XXIV tur
19:00. "Qarabağ" - "Sabah"
Hakimlər: Əliyar Ağayev, Zeynal Zeynalov, Akif Əmirəli, Kamranbəy Rəhimov
VAR: Rəşad Əhmədov
AVAR: Eyyub İbrahimov
Hakim-inspektor: Ömər Paşayev
AFFA nümayəndəsi: Elgiz Abbasov
Bakı. Tofiq Bəhramov adına Respublika Stadionu.
