Sport24.az
Misli Premyer Liqasının 27-ci turunun "Turan Tovuz"la oyunu "Sumqayıt" üçün əlamətdar olub. Sport24.az PFL-in saytına istinadən xəbər verir ki, "gənclik şəhəri" təmsilçisi Premyer Liqada 400-cü qolu vurub.
2:1 hesabı ilə qalib gələn qonaqların ikinci qolu yubiley xarakteri daşıyıb. Bu topun müəllifi 64-cü dəqiqədə fərqlənən Bobir Abdixolikov olub.
"Sumqayıt" Azərbaycan çempionatları tarixində 400 və daha çox qol vuran 9-cu komanda olub.
Sumqayıtın eyniadlı təmsilçisi "400"ə 427-ci oyunda çatıb. Bu qollrdan 210-u ev, 190-ı səfər matçlarında vurulub.
Qeyd edək ki, "Sumqayıt"ın Premyer Liqadakı 1-ci qolunu Eşqin Quliyev 2011/12 mövsümündə vurub. O, 2011-ci il avqustun 6-da "Xəzər Lənkəran"la səfər matçında (1:2) fərqlənib.
