Sport24.az
"Sumqayıt"ın UEFA Konfrans Liqasının II təsnifat mərhələsindəki rəqibi Macarıstan "Fehervar"ı heyətinə yeni futbolçu cəlb edib. Sport24.az Sekeşfehervar klubunun mətbuat xidmətinə istinadən xəbər verir ki, Matyas Kovaç icarə əsasında "qırmızı-göylər"in formasını geyinəcək.
Hücumçu müqavilə ilə Macarıstanın MTK klubuna məxsusdur.
21 yaşlı futbolçu ölkəsinin U-21 millisinin şərəfini qoruyur.
Qeyd edək ki, "Sumqayıt" "Fehervar"la Konfrans Liqasında ilk matçını iyulun 25-də evdə, cavab qarşılaşmasını isə 31-də Macarıstanda keçirəcək.
