Sport24.az
Premyer Liqanın V turunun ilk oyun gününə Sumqayıtda yekun vurulacaq. Sport24.az xəbər verir ki, şəhərin eyniadlı komandası "Araz-Naxçıvan"ı qonaq edəcək.
Ötən tur məğlubiyyət acısı yaşayan "kimyaçılar" 5-ci oyun həftəsini 3 xalla başa vurmağı hədəfləyib. Cəzalı olduğundan oyunu tribunadan izləmək məcburiyyətində qalan Elmar Baxşıyevin komandası da turnir cədvəlində daha üst pillələrə yüksəlmək istəyir və bu səbəbdən "qırmızı-ağlar" sumqayıtlılarla görüşdə xal itirmək fikrində deyil. Odu ki, bu gün Mehdi Hüseynzadə adına Sumqayıt şəhər stadionunda azarkeşlərin maraqlı qarşılaşmaya şahidlik edəcəyini proqnozlaşdırmaq olar.
Qeyd edək ki, V turun digər 3 qarşılaşması sabah və birigün keçiriləcək.
Misli Premyer Liqası
I dövrə, V tur
20:00. "Sumqayıt" - "Araz-Naxçıvan"
Hakimlər: Cavid Cəlilov, Müslüm Əliyev, Kamran Bayramov, Kamran Əliyev
VAR: Kamal Umudlu
AVAR: Namiq Hüseynov
Hakim-inspektor: Ramil Diniyev
AFFA nümayəndəsi: Namiq Əliyev
Sumqayıt. Mehdi Hüseynzadə adına şəhər stadionu
