Ankaranın Qızılcahamam bölgəsində təlim-məşq toplanışında olan "Sumqayıt" bu gün ilk yoxlama oyununa çıxacaq. Sport24.az xəbər verir ki, Samir Abasovun komandası Rusiyanın Premyer Liqa təmsilçisi "Orenburq"la qarşılaşacaq.
Qızılcahamam stadionunda keçiriləcək görüş Bakı vaxtı ilə saat 18:00-da başlayacaq.
Qeyd edək ki, "Sumqayıt" Konfrans Liqasının 2-ci təsnifat mərhələsində Macarıstan təmsilçisi "Fehervar"la qarşılaşacaq. Komandalar arasında ilk matç iyulun 25-də Sumqayıtda, cavab qarşılaşması isə 31-də Macarıstanda keçiriləcək.