Sport24.az
Premyer Liqa ekvator xəttinə yaxınlaşdıqca elita klubları qış hazırlıq planlarını cızırlar. Sport24.az-ın əldə etdiyi məlumata görə, "Sumqayıt" da bu yöndə götür-qoy edir.
Redaksiyamıza daxil olan bilgiyə əsasən, "kimyaçılar"ın qış fasiləsində harda toplanış keçəcəyi qarşıdakı çempionat oyunlarının nəticələrindən sonra müəyyənləşəcək. Şəhərin eyniadlı klubunun avropkuboklara yollanmaq şansı qalacağı halda komanda Türkiyəyə üz tutacaq. Əks halda "gənclik şəhəri"nin təmsilçisi ölkə daxilində hazırlaşacaq.
Qeyd edək ki, 14 turdan sonra aktivində 16 xal olan "Sumqayıt" turnir cədvəlinin 6-cı pilləsində qərarlaşıb.
