Sport24.az
"Sumqayıt" komandası itki ilə üzləşib. Sport24.az xəbər verir ki, "gənclik şəhəri" təmsilçisinin futbolçusu Miloş Miloviç cəzalı duruma düşüb.
Buna 29 yaşlı müdafiəçinin "Kəpəz"ə 3:0 hesabı ilə qalib gəldikləri Misli Premyer Liqasının XXVI turunun oyununda sarı vərəqə alması səbəb olub.
O, cari mövsüm dördüncü dəfə xəbərdarlıq alıb.
Monteneqrodan olan oyunçu XXVII turda "Turan Tovuz"la oyunda komandasına kömək edə bilməyəcək.
Qeyd edək ki, martın 16-da təşkil olunacaq "Turan Tovuz" - "Sumqayıt" qarşılaşması saat 18:30-da start götürəcək.
