Sport24.az
Misli Premyer liqasının XXV turunun ilk oyun gününə Sumqayıtda yekun vurulacaq. Sport24.az xəbər verir ki, şəhərin eyniadlı komandası lider "Qarabağ"ı qəbul edir.
Heç şübhəsiz ki, matçın favoriti Ağdam klubudur. "Kimyaçılar" kubok görüşləri də daxil olmaqla artıq 10 oyundur ki, nəinki qələbə üzünə həsrətdir, hətta rəqib qapısına yol tapa bilmir. Vaqif Bavadovun çalışdırdığı komandanın liderlə görüşdə 3 xal qazanacağı dünyanın 8-ci möcüzəsi ola bilər. Turan-tura "kimyaçılar" turnir cədvəlinin zirzəmisnə doğru yuvarlanır. Böyük ehtimalla, Qurban Qurbanovun yetirmələri bu gün də qələbə qazanıb zirvədə yerini bir qədər də möhkəmləndirəcək.
Qeyd edək ki, Mehdi Hüseynzadə adına stadionda baş tutacaq qarşılaşma saat 19:30-da başlayacaq.
Misli Premyer liqası
III dövrə, XXV tur
19:30. "Sumqayıt" - "Qarabağ"
Hakimlər: Rauf Cabarov, Rəhman İmami, Şirmamed Mamedov, Kamran Əliyev
VAR: Kamal Umudlu
AVAR: Rahil Ramazanov
Hakim-inspektor: Ramil Diniyev
AFFA nümayəndəsi: Eldəniz Musayev
Sumqayıt. Mehdi Hüseynzadə adına şəhər stadionu
