Sport24.az
"Çətin oyun olacağını bilirdik. "Sabah" güclü rəqibdir. Qələbə qazanmağa çalışdıq, amma alınmadı". Bu sözləri Sport24.az-a açıqlamasında "Səbail"in futbolçusu Yusif Nəbiyev deyib.
27 yaşlı müdafiəçi "Sabah"la qolsuz heç-heçə etdikləri Misli Premyer Liqasının XXIII turunun oyunu ilə bağlı fikirlərini bölüşüb:
"Bir xalın da bizim üçün yaxşı nəticə olduğunu deyə bilərəm. Bu görüşdə özümüzə çox inanırdıq. Matça yaxşı hazırlaşmışqdıq. Şanslarımız da oldu. Amma istifadə edə bilmədik. Bir qol görüşün taleyini həll edə bilərdi. Amma bacarmadıq".
Nəbiyev "dənizçilər"in sonuncu pillədə olmasına da toxunub:
"Bu vəziyyətdən çıxmağa çalışırıq. Buna çox inanıram, ümidim də böyükdür".
O, XXIV turda "Araz-Naxçıvan"a qarşı keçirəcəkləri oyun barədə də danışıb: "Bizi daha bir ağır oyun gözləyir. Ciddi şəkildə hazırlaşırıq. Əlimizdən gələnin ən yaxşısını da edəcəyik".
Qeyd edək ki, fevralın 22-də təşkil olunacaq "Araz-Naxçıvan" - "Səbail" oyunu saat 16:00-da start götürəcək.
