Sport24.az
"Şaxtyor"un baş direktoru Sergey Palkin Ukraynada baş verən hadisələrə görə əcnəbi futbolçuların klubu pulsuz tərk etməsinə icazə verən FİFA-nı yenidən tənqid edib. Sport24.az xəbər verir ki, o, bu barədə "The Athletic"ə müsahibəsində danışıb:
"FIFA davamlı olaraq "Biz bir ailəyik" deyir, bəs o ailə haradadır? Ola bilsin ki, FİFA Ukraynanı "vahid ailənin" bir hissəsi hesab etmir.
Biz bu birliyi münaqişənin əvvəlində hiss etməliydik. Amma biz bunu görmədik. İnfantino Ukrayna futboluna kömək etməyib".
Qeyd edək ki, "Şaxtyor" hazırda Ukrayna çempionatında lider "Dinamo"dan 8 xal geri qalaraq turnir cədvəlinin üçüncü pilləsində qərarlaşıb.
