Sport24.az
"Yeni müqavilələr haqqında danışmaq hələlik tezdir". Bu sözləri Sport24.az-a açıqlamasında "Şamaxı"nın qapıçısı Rikardo Fernandes deyib.
30 yaşlı qolkiper bölgə təmsilçisindəki taleyi ilə bağlı danışıb:
"Mən hazırda komandanın hədəflərinə çatmasına kömək etmək niyyətindəyəm. Bu barədə düşünməyə vaxtımız olacaq. İndi "Şamaxı"ya yardımçı olmaq üçün işləmək lazımdır".
Portuqaliyalı "çərçivə qoruyucusu" "klubda qalmaq istəyirsinizmi" sualına isə belə cavab verib:
"Azərbaycanda özümü çox yaxşı hiss edirəm. Gələcəkdə nələrin olacağını bilmirəm. Bu məsələlərlə məşğul olan insanlar var. Mən sadəcə, öz işimi meydanda görməyə fokuslanmışam".
Qeyd edək ki, qış fasiləsində "Sabah" Fernandesi "rənglərinə bağlamağı" düşünürdü. Qolkiperin "Şamaxı" ilə müqaviləsinin müddəti iyunda başa çatır.
