Sport24.az
"Çoxlu qol imkanlarımız oldu. Rəqibin bərabərlik qolundan sonra da şanslar yaratdıq. Təəssüflər olsun ki, yararlana bilmədik". Bu sözləri Sport24.az-a açıqlamasında "Şamaxı"nın qapıçısı Rikardo Fernandes deyib.
30 yaşlı qolkiper "Kəpəz"lə heç-heçə etdikləri (1:1) Misli Premyer Liqasının XXIII turunun oyunları bağlı fikirlərini bölüşüb:
"Mövsümün elə mərhələsindəyik ki, bütün xallar vacibdir. Rəqib qış fasiləsindən sonra evdə yaxşı nəticələr qazanır. Qol buraxdıqdan sonra çox reaksiya göstərə bilmədik. Futbolda belə hallar olur".
Portuqaliyalı legioner "Şamaxı"nın 8-ci pillədə olması barədə danışıb:
"Bütün komandalar fasilədən sonra gücləniblər. Amma mən sadəcə öz komandama köklənmişəm. Mövsümün ikinci yarısında çətin təqvimlə üzləşdik. Çox yaxşı oynamışıq, amma istədiyimiz qədər xal qazana bilmədik. Mümkün qədər çox xal qazanmaq niyyətindəyik. Məhz bunun üçün çalışırıq".
Rikardo Fernandes XXIV turda evdə "Turan Tovuz"a qarşı keçirəcəkləri matça da toxunub: "Çempionatın ən güclü kollektivlərindən birinə qarşı mübarizə aparacağıq. Çətin görüş olacaq. Bütün çətinlikləri bilirik, lakin mümkün olan ən yaxşı nəticə üçün mübarizə aparacağıq, döyüşəcəyik".
Qeyd edək ki, fevralın 23-də keçiriləcək "Şamaxı" - "Turan Tovuz" oyunu saat 14:30-da start götürəcək.
