Sport24.az
"Altı xallıq oyun idi. Bizim üçün son dərəcə vacib qarşılaşma idi". Bu sözləri Sport24.az-a açıqlamasında "Şamaxı"nın futbolçusu Maykl Tuik deyib.
32 yaşlı hücumçu səfərdə "Səbail"ə qalib gəldikləri Misli Premyer Liqasının XXV turunun oyunu ilə bağlı fikirlərini bölüşüb:
"Fiziki və mental olaraq çox şey tələb olunan qarşılaşma oldu. Biz bunları strateji cəhətdən dəf edə bildik".
Braziliyalı forvard bu qalibiyyətin Premyer Liqada qalmaq şanslarını artırdığını söyləyib:
"Bu nəticə son sıralardan klublardan uzaqlaşmağımıza kömək oldu. Komandamıza daha çox inam və motivasiya verdi".
O, XXVI turda "Sabah"a qarşı keçirəcəkləri görüşə də toxunub:
"Çətin oyun olacaq. Rəqibin fərdi olaraq çox səviyyəli futbolçuları var. Amma biz bu matça hazırıq. 3 xal qazanmaq üçün əlimizdən gələni edəcəyik".
