UEFA Konfrans Liqasının 2-ci təsnifat mərhələsində "Sabah"ın rəqibi olan "Makkabi" daha bir transfer edib. Sport24.az Hayfa klubunun mətbuat xidmətinə istinadən xəbər verir ki, yarımmüdafiəçi Ethan Azulay düşərgəyə dəvət olunub. İsrail millisinin 22 yaşlı üzvü ilə 4 illik müqavilə imzalanıb.
Qeyd edək ki, "Sabah" "Makkabi" ilə ilk oyunu iyulun 25-də səfərdə keçirəcək. Cavab görüşü bir həftə sonra Bakıda olacaq.