Sport24.az
"Zirə" ilə matçın çətin keçəcəyini bilirdik. Gözlədiyimiz kimi də oldu". Bu sözləri Sport24.az-a açıqlamasında "Sabah"ın futbolçusu Pavol Şafranko deyib.
30 yaşlı oyunçu "Zirə" ilə heç-heçə etdikləri (1:1) Misli Premyer Liqasının XXVII turunun matçı ilə bağlı fikirlərini bölüşüb:
"Zirə" cari mövsümdə uğurlu nəticələr qazanır. Komandamız bu qarşılaşmada yaxşı oyun sərgilədi. Bir neçə qol fürsətimiz olsa da, yalnız birindən istifadə edə bildik. Meydana 3 xal qazanmaq üçün çıxmışdıq. Lakin təəssüf ki, sonda 1 xal əldə etdik. Qarşıda bizi daha bir dövrə gözləyir".
Slovakiyalı hücumçu komandasının çempionatda üç dövrədəki çıxışına toxunub:
"Hazırda qərarlaşdığımız mövqe bizi razı sala bilməz. Sona kimi mübarizə aparmalıyıq. İnanıram ki, hazırkı vəziyyəti xeyrimizə dəyişməyi bacaracağıq".
Qeyd edək ki, 27 turdan sonra aktivində 35 xal olan "Sabah" turnir cədvəlinin 5-ci pilləsində qərarlaşıb.
