"Sabah"ın braziliyalısı: "Təəssüf ki, bundan artığına gücümüz çatmadı"

"Qarabağ" - "Sabah" matçından sonra (3:2) qonaqların braziliyalı legioneri İqor Noqeyra Sport24.az-ın əməkdaşının suallarını cavablandırdı. Brazliyalı müdafiəçi məğlub olduqları oyunla bağlı fikirlərini bölüşməklə yanaşı, bizi maraqalandıran başqa suaalları da cavablandırıb.

- Oyunla bağlı fikirlərin maraqlıdır...
- İlk hissənin 15-20 dəqiqəsini çox zəif keçirdik və qapımızda 3 qol gördük. Yalnız fasilə ərəfəsində rəqib qapısına yol tapa bildik. Həmin qol bizə ikinci yarıda daha yaxşı oynamaq üçün stimul verdi. Düşünürəm ki, fasilədən sonra meydanda istədiyimiz "Sabah"ı gördük. Meydanda xarakter göstərdik, hesabı minimuma endirdik. Təəssüf ki, bundan artığına gücümüz çatmadı və meydanı məğlub tərk etdik.

- Öz oyunundan razısan?
- "Sabah"ın heyətində iki oyun keçirmişəm. Ümumi götürəndə pis çıxış etmədiyimi düşünürəm. Amma üzərimdə işləməli, artırmalı olduğum nüanslar çoxdu.

- Azərbaycan çempionatına uyunlaşmaqda çətinlik çəkmirsən?
- Həm "Sabah"a, həm də Premyer Liqada uyğunlaşmışam. Bu yöndə heç bir problem yoxdur.

- Necə düşünürsən, "Sabah" bu mövsüm mükafatçılar sırasında yer ala biləcək?
- Cəmi VIII tur geridə qaldığından barədə danışmaq çox tezdi. Biz hər oyuna qələbə üçün çıxırıq. Odur ki, mövsümün finişində çəkdiyimiz əziyyətin hədər getməyəcəyini, mükafatçılar sırasında yer alacağımıza inanıram.

ABDULLA İSMAYILOĞLU