Yeni mövsümün hazırlığını davam etdirən "Sabah" bu gün Sloveniyada ilk yoxlama oyununu keçirəcək. Sport24.az xəbər verir ki, Krunoslav Renduliçin rəhbərlik etdiyi kollektiv yerli "Koper"lə qarşılaşacaq.
Oyun Bakı vaxtı ilə saat 20:30-da başlayacaq. Sloveniyanın yüksək liqasında çıxış edən "Koper" ötən mövsümü 5-ci pillədə tamamlayıb.
Qeyd edək ki, "Sabah" Sloveniyada daha 3 yoxlama oyunu keçirəcək. Komanda iyulun 10-da Serbiyanın "Çukariçki", 13-də Ukraynanın "Krivbass", 17-də isə Ukraynanın "Rux" (Lvov) klubu ilə qarşılaşacaq. "Sabah" iyulun 18-də Bakıya qayıdacaq.