Sport24.az
Misli Premyer Liqasının XXV turunun ikinci oyun günü Masazırda yekunlaşacaq. Sport24.az xəbər verir ki, "Sabah" Bank Respublika Arena"da "Araz-Naxçıvan"ı qonaq edir.
Aktivində 33 xal olan "bayquşlar" hazırda turnir cədvəlinin 5-ci pilləsində qərarlaşıb və liderlər qrupundan xeyli aralıdır. Naxçıvan təmsilçisi isə əksinə, 45 xalla ilk "üçlük"dədir. Yalnız əlavə göstəricilərə görə, eyni xala malik "Zirə" ikinci yerdə qərar tutub.
Qeyd edək ki, turun son matçı - "Kəpəz" - "Neftçi" görüşü sabah baş tutacaq.
Misli Premyer liqası
III dövrə, XXV tur
19:30. "Sabah" - "Araz-Naxçıvan"
Hakimlər: Rəvan Həmzəzadə, Cəmil Quliyev, Zöhrab Abbasov, Kamranbəy Rəhimov
VAR: Tural Qurbanov
AVAR: Kamran Bayramov
Hakim-inspektor: Babək Quliyev
AFFA nümayəndəsi: Nəriman Axundov
Masazır. "Bank Respublika Arena"
