Sport24.az
Premyer Liqanın V turunun ikinci oyun gününə Tovuzda yekun vurulacaq. Sport24.az xəbər verir ki, "Kəpəz" "Sabah"ı qonaq edir.
Komandalar bu oyuna fərqli əhval-rihiyyədə hazırlaşıb. Nominal meydan sahibləri mövsümə çox bərbad başlayıb. 4 turdan sonra xala və qola həsrət qalan "sarı-göylər" həftəiçi Adil Şükürovla yolları ayırdı. "Bayquşlar"la görüşə Gəncə təmsilçisini əvəzedici komandanın çalışdırıcısı Xaliq Mərdanov çıxaracaq. Masazır klubu isə ardıcıl 2 turda 3 xala sevinib. Krunoslav Renduliçin komandasının autsayderlə görüşə də yalnız qələbə üçün çıxacağı heç kimə sirr deyil.
Qeyd edək ki, hesabat turunun bir oyunu - "Zirə" - Qarabağ" matçı sabah keçiriləcək.
Misli Premyer Liqası
I dövrə, V tur
19:30. "Kəpəz" - "Sabah"
Hakimlər: Nicat İsmayıllı, Eyyub İbrahimov, Şirmamed Mamedov, Rəvan Həmzəzadə
VAR: Rauf Allahverdiyev
AVAR: Elşad Abdullayev
Hakim-inspektor: Rəhim Həsənov
AFFA nümayəndəsi: Rüfət Əmirov
Tovuz. Şəhər stadionu
