Sport24.az
Hücumçu Paulo Dibalanın "Roma"dakı gələcəyi qeyri-müəyyən olaraq qalır. Sport24.az "Football Italia"-ya istinadən xəbər verir ki, argentinalı futbolçu Səudiyyə Ərəbistanı təmsilçisi "Əl-Kadisiyyə"dən sərfəli təklif alsa da, razılaşmağa tələsmir. "Roma" isə Dibalanı satmaq istəyir və futbolçunun qərarını yenidən nəzərdən keçirməsini gözləyir.
Cari mövsümdən Dibalanın "Roma"da maaşı ildə 7 milyon avroya yüksəlib və o, bu mövsümün 15 matçında meydanda ən azı 45 dəqiqə keçirsə, o zaman onun müqaviləsi eyni şərtlərlə avtomatik olaraq 2026-cı ilə qədər uzadılacaq.
Qeyd edək ki, klub rəhbərliyi dünya çempionunu 15 milyon avroya "Əl-Kadisiyyə"yə buraxmağa hazırdır.
