Sport24.az
"Real" "Milan"ın futbolçusu Aleks Ximenezi geri qaytarmaq istəyir. Sport24.az xəbər verir ki, bu barədə insayder Fabrizio Romano məlumat yayıb.
İtaliya klubu 19 yaşlı sağ cinah müdafiəçisini heyətində saxlamaq istəyir. Lakin Madrid təmsilçisi öz yetirməsi üzərində nəzarəti itirmək fikrində deyil. Bu səbəbdən klublar yaxın zamanda danışıqlara başlayacaq. "Milan" ispaniyalı futbolçunun sabiq komandasına qayıdışı üçün yeni şərtlər qoymaq niyyətindədir.
Bildirilir ki, Aleks özü İtaliya klubunda özünü xoşbəxt hiss edir.
Qeyd edək ki, Aleks Ximenez ötən ilin yayında "Real"dan "Milan"a transfer olub. Onun klubu ilə hazırkı müqaviləsi 2028-ci ilin yayına qədərdir. 19 yaşlı futbolçu bu mövsüm 34 oyuna çıxıb və 4 qol vurub.
