Sport24.az
"I Liqanın iddialı klublarından və bir elita təmsilçisindən təklifim var idi. Amma "Qəbələ"dən dəvət gələndən sonra tərəddüd etmədən "qırmızı-qaralar"ı seçdim. Bu klubun yetirməsi olmuşam, "Qəbələ"də futbol oynamaq və inkişaf üçün hər cür şərait var". Bu sözləri Sport24.az-a açıqlamasında Salman Ələsgərov deyib.
Bölgə təmsilçisinin yeni transferi yeni mövsümdə "Qəbələ"nin aşağı dəstədə çempion olaraq Premyer Liqaya dönəcəyinə inandığını da bildirib: "Bu gün düşərgədə yer alan futbolçuların 99 faizini tanıyıram. Onlar da mənim kimi akademiyanın yetirmələridi. Hamısı perspektivli uşaqlardı. Əlavə bir neçə səviyyəli transfer də reallaşsa, çempion olacağımıza heç bir şübhəm yoxdu. "Qəbələ" ölkə futbolunda özünə görə ağırlığı olan klubdu. Əsas məqsədimiz I Liqada çempion olub, yenidən elitaya dönməklə klub tarixində yeni səhifə açmaqdı".
Qeyd edək ki, Ələsgərovun son klubu "Şamaxı" olub.
ABDULLA İSMAYILOĞLU
