Sport24.az
"Məncə, bizim üçün mövsümün geridə qalan hissəsi uğurlu oldu. Yeni yığılmış heyətlə baş məşqçimizin sistemini bilmək üçün zaman lazım idi. Komanda yoldaşlarım bunun üzərindən yaxşı gələ bildilər".
Bu sözləri Sport24.az-a açıqlamasında Birinci Liqa təmsilçisi"Qəbələ"nin futbolçusu Murad Musayev deyib.
Təcrübəli futbolcu geridə qalan 11 tur ərzində bütün görüşlərdə top buraxmayaraq qalib gəlmələrinin səbəbini açıqlayıb:
"Qol buraxmamağımız ümumi komandanın işidir. Çalışırıq baş məşqçinin verdiyi hər bir oyun planını düzgün edək və sonunda yaxşı nəticə qazanaq. Elə alınıb ki, bu mövsüm qol buraxmamışıq. Bu da gözəl bir hadisədir".
Musayev "Qəbələ"nin yenidən Misli Premyer Liqasına qayıtmasından söz açıb:
"Bizim işimiz öz komandamızın nəticələrinə baxmaqdır. Hər bir rəqibə hörmət edirik. Məqsədimiz Premyer Liqaya qayıtmaqdır. İnşallah, çox çalışıb, geri dönəcəyik".
