Sport24.az
Yeni mövsümdən I Liqada çıxış edəcək 2024/25 "futbol ili" üçün hazırlığı davam etdirir. Sport24.az xəbər verir ki, "Zaqatala" ilə yoxlama oyunundan sonra istirahətə buraxılan "qırmızı-qaralar" bu gün bir araya gələcək.
Qəbələ şəhər stadionunda davam edəcək hazırlıq prosesində daha 4 yoxlama oyunu baş tutacaq. "Qəbələ" avqustun 16-da "Cəbrayil", 19-da "Mingəçevir"lə üz-üzə gələcək.
Digər iki matç ayın 24-ü və 28-ə planlaşdırılsa da, hələ ki, rəqiblər müəyyənləşməyib.
Qeyd edək ki, "qırmızı-qaralar" hazırlıq dönəmində artıq iki görüş keçirib. Küveyt təmsilçisi "Əl-Yarmuk"la heç-heçə edən (2:2) komanda "Zaqatala"ya 2:0 hesabı ilə qalib gəlib.
