Sport24.az
"Həyatımda və məşqçi karyeramda yenilik etmək qərarına gəldim. Ona görə uzun müddət işlədiyim "Qəbələ"dən ayrıldım. "Qırmızı-qaralar"ın bir çox yaş qruplarında, o cümlədən U-19-da çalışdım. Təbii ki, burdan getmək ağır idi, amma futbolda "daim bir yerdə olmalısan" deyə, qayda yoxdu. Bu gün burdasan, sabah başqa yerdə. Ümid edirəm ki, "Qəbələ" yenidən elitaya qayıdacaq. Onlara uğurlar arzu edirəm". Bu sözləri Sport24.az-a açıqlamasında Zaur Hacıyev deyib.
"Qəbələ"dən ayrılan gənc mütəxəssis çalışacağı yeni klub barədə də məlumat verib: "Bir neçə klubdan iş təklifi almışdım. Amma mən "Karvan"ı seçdim. Qərarımda Kənan Kərimov amili böyük rol oynadı. Onunla bir yerdə futbol oynamışıq, oynamış, yaxşı münasibətimiz var. İndi məşqçilər korpusunda yer alacam və onun köməkçisi kimi işləyəcəm".
Qeyd edək ki, 2023-2024-cü illər mövsümündə U-19-a rəhbərlik edən mütəxəssis akademiyada fəaliyyət göstərdiyi uzun müddət ərzində müxtəlif yaş qrupları üzrə komandalarda çalışıb.
ABDULLA İSMAYILOĞLU
