Sport24.az
"Oyuna pis başlamamışdıq. Məqsədimiz rəqibi evə əliboş yola salmaq idi. Amma buraxdığımız erkən qol, ardınca isə avtoqol futbolçularımda ruh düşkünlüyü yaratdı. Toparlana bilmədiyimizdən məğlub olduq". Bu sözləri Sport24.az-a açıqlamasında "Qaradağ Lökbatan"ın baş məşqçisi Azər Həşimov deyib.
Gənc mütəxəssis çempionat auğursuz start vermələrinin səbəbini də söyləyib: "Ötən mövsüm ilə müqayisədə komandamızda dəyişikliklər olub. Keçən ilki heyətin 95 faizi yoxdur. Komandanı yenidən qururuq, komplektləşmə tam başa çatmayıb. Bunun üçün bizə 4-5 tur lazımdı. Buna baxmayaraq, yetirmələrimə sona kimi mübarizə aparmağın vacibliyini izah edirəm. Hakimin final fitinə kimi oyuna konsentrasiya olmaq lazımdı".
Qəsəbə təmsilçisinin çalışdırıcısı yaxın günlərdə qapıçı problemini də həll edəcəklərini vurğulayıb: "İlnur məşqlərdə iştirak edir. Keçirdiyimiz 5 yoxlama oyunun hamısında da qapıda ona şans vermişik. Komandaya da demək olar uyğunlaşıb. Sadəcə, sənədləşmə məsələsində problem var idi. Ortaya əlavə problem çıxmasa gələn tur onun xidmətindən yaralana biləcəyik".
Qeyd edək ki, I liqanın II turunda "Qaradağ Lökbatan" "Qəbələ"yə 0:5 hesabı ilə məğlub olub.
ABDULLA İSMAYILOĞLU
