Sport24.az
"Qarabağ" növbəti transfer çalışmasını başa vurub. Sport24.az "sportinfo"ya istinadən xəbər verir ki, Ağdam təmsilçisi xeyli müddətdir danışıqlar apardığı vingerlə ortaq məxrəcə gəlib. "Köhlən atlar"ın anlaşdığı əcnəbi qanalı futbolçunun adı Emmanuel Addaidir. Yeni transfer səhər saatlarında Azərbaycana gəlib.
Afrikalı cinah oyunçusunun 23 yaşı var. "Qarabağ"ın baş məşqçisi Qurban Qurbanovun çox bəyəndiyi vinger "JMG Akademi"nin yetirməsidir. 2021-2022-ci illəri Fransada keçirib. "Bobiqni"nin formasını geyinib.2022-ci ildən üzü bəri isə karyerasını İspaniyada davam etdirib. Ötən müddətdə "Alkonkon"un heyətində Sequndada 52 matça çıxıb və 5 qol vurub. Addai bu gün tibbi baxışdan keçəcək.
Azərbaycan çempionu bu yay 5 yeni müqavilə bağlayıb. Musa Qurbanlı "Yurqorden"dən (İsveç), Şahruddin Məhəmmədəliyev "Adana Demirspor"dan (Türkiyə) geri qayıdıb. Sadiq Məmmədzadə "Səbail"dən, Fabiyan Buntiç "Vizela"dan (Portuqaliya) və Mateuş Koxalski "Stal"dan (Polşa) transfer olunub.
