"Qarabağ"ın Avstriyada keçirəcəyi ilk yoxlama oyunlarının yeri dəqiqləşib. Sport24.az xəbər verir ki, bunu Ağdam klubunun mətbuat xidməti açıqlayıb.
Qurban Qurbanovun komandası iyulun 9-da iki matça çıxacaq. Sabah baş tutacaq ilk görüş "Velly Arena İmst"də baş tutacaq. "Kayzerslautern"lə qarşılaşma Bakı vaxtı ilə 14:30-da başlayacaq.
Plzen "Viktoriya"sı ilə görüş isə 20:00-da start götürəcək. Matç "Vestendorf"da təşkil olunacaq.
Qeyd edək ki, "Qarabağ"ın Avstriya toplanışı iyulun 5-dən 17-dək davam edəcək.