İdman.biz
"Qarabağ"ın Avropa Liqasındakı rəqibi "Bodo-Qlimt" növbəti dəfə Norveç çempionatında xal itirib.
İdman.biz xəbər verir ki, Kyetil Knutsenin komandası 26-cı turda öz meydanında "Rusenborq"la qarşılaşıb.
Hesabı qonaqlar açsalar da, "sarı-qaralar" iki qol vuraraq önə keçiblər. Amma "Bodo-Qlimt" üstünlüyü qoruya bilməyib. "Rusenborq" əvvəlcə hesabı bərabərləşdirib, 90+2-ci dəqiqədə isə qələbə topunu vurub.
Son 4 oyunda 3-cü dəfə xal itirən "Qarabağ"ın rəqibi 54 xalla turnir cədvəlinə başçılıq edir. Ardıcıl qələbələr qazanan "Brann" xal fərqini 2-yə endirib.
Qeyd edək ki, Avropa Liqasının 4-cü turunda baş tutacaq "Bodo-Qlimt" - "Qarabağ" matçı noyabrın 7-də Norveçdə keçiriləcək.
İdman.biz
