Sport24.az
Rumıniya təmsilçisi FKSB Bakıda "Qarabağ"a qarşı Avropa Liqasının Liqa mərhələsinin VII tur matçı ərəfəsində qapıçısı Ştefan Tırnovanu ilə yollarını ayıra bilər. Sport24.az "GSP"yə istinadən xəbər verir ki, klubun sahibi Gigi Bekalinin sözlərinə görə, Rumıniya çempionunun aparıcı futbolçularından biri müəyyən məbləğ ödəməyə hazır olan "Udineze"nin maraq dairəsindədir.
29 yaşlı qolkiper bu mövsüm bütün turnirlərdə 35 oyuna çıxıb. Transfermarkt portalında onun qiyməti 3,5 milyon avrodur.
Qeyd edək ki, "Qarabağ" - FKSB oyunu gələn il yanvarın 23-də Tofiq Bəhramov adına stadionda keçiriləcək və görüşə 21:45-də start veriləcək.
