İdman.biz
"Qarabağ"ın Çempionlar Liqasının pley-offundakı rəqibi "Dinamo" Xorvatiya çempionatında növbəti qələbəsini qazanıb.
İdman.biz xəbər verir, Zaqreb klubu öz meydanında "Qoritsa"ya 2:1 hesabı ilə qalib gəlib.
Qələbəyə baxmayaraq "Dinamo"nun baş məşqçisi Sergey Yakiroviç komandanın oyunundan narazı qalıb: "Hesabı açdıqdan sonra bəzi məqamlarda oyunumuzu itirdik. Bizdə təzyiq və enerji çatışmırdı. Sona yaxın rəqibə fərqlənmək şansı da verdik. "Dinamo" kimi ciddi komanda belə qol buraxmalı deyil".
Qeyd edək ki, "Dinamo" Xorvatiyada keçirilən ilk oyunda "Qarabağ"a 3:0 hesabı ilə qalib gəlib. Komandalar arasında cavab görüşü avqustun 28-də Bakıda olacaq.
İdman.biz
