Sport24.az
"Qarabağ" Avropa Liqasındakı rəqibi FCSB Rumıniya çempionatında IV turdan təxirə salınmış oyunda uduzub. Sport24.az xəbər verir ki, Buxarest təmsilçisi səfərdə "Botoşani"yə məğlub olub.
Oyunun taleyini 1 qol həll edib. Meydan sahibləri 90+8-ci dəqiqədə qələbə topunu vurublar. Elias Xaralambousun komandası ölkə çempionatında təxminən 3 aydan sonra uduzub.
Qeyd edək ki, FCSB Avropa Liqasının V turunda noyabrın 24-də öz meydanında "Olimpiakos"la, "Qarabağ" isə "Lion"la qarşılaşacaq.
