Sport24.az
"Ludoqorets"in müdafiəçisi Diniş Almeyda Çempionlar Liqasının III təsnifat mərhələsinin ilk oyununda "Qarabağ" üzərində Bakıda qazandıqları qələbəni (2:1) şərh edib. Sport24.az "Topsport.bg"-a istinadən xəbər verir ki, braziliyalı futbolçu cavab görüşü haqda da nikbin danışıb:
"Komanda oyunu göstərmək, mübarizə aparmaq və müdafiə olunmaq vacib idi. "Qarabağ"la matçda mühüm qələbə qazandıq. Lakin bu, hələ başlanğıcdır. Razqradda işimizi başa çatdırmalıyıq. "Qarabağ"ın güclü komanda olduğunu bilirdik. Ötən mövsüm Avropa Liqasında etdikləri əla idi. Amma biz hazır idik və əlimizə düşən şanslardan yaxşı istifadə etdik. Biz "Qarabağ"ı saxlaya bildik. Razqradda çox yaxşı oynamalıyıq. Cavab matçına itkilərlə çıxacağıq. Bernard Tekpetey və Kayo Vidalsız çətin olacaq. Amma ümid edirəm ki, biz bunun öhdəsindən gələcəyik".
Qeyd edək ki, komandalar arasında dünən Bakıda keçirilən görüş qonaqların 2:1 hesablı qələbəsi ilə başa çatıb. Cavab qarşılaşması avqustun 13-də Bolqarıstanda keçiriləcək.
