Sport24.az
Peşəkar Futbol Liqasının mətbuat xidməti "Gənclər Günü" münasibətilə "Qarabağ"ın futbolçusu Sadiq Məmmədzadə ilə müsahibə edib. Sport24.az xəbər verir ki, 19 yaşlı qolkiper əvvəlcə "Qarabağ"da ilk dəfə rəsmi oyunda meydana çıxmasından danışıb:
"Ən böyük arzularımdan biri məhz "Qarabağ"da oyuna çıxmaq idi. "Kəpəz"lə matçdan əvvəl klubdan mənə dedilər ki, əsas heyətdə oyuna çıxacaqsan. Buna çox sevindim. Sevincimdən gecə yata bilmirdim. Çünki "Qarabağ" kimi böyük bir klubda oyuna çıxmaq ən böyük arzum idi. Meydana çıxanda həyəcan var idi. Amma bu, yaxşı həyəcan idi".
Gənc qapıçı futbola başlayarkən meydan oyyunçusu olduğunu bildirib: "O vaxt "Neftçi" İdman Klubunda oynayırdım. Bir dəfə qapıçımız yox idi və mən qapıya keçmək istədim. Bundan sonra qapıdakı oyunumu bəyəndilər və davamı gəldi".
Məmmədzadə "Fənərbaxça"da çıxış etmək aruzunda olduğunu da qeyd edib: "Mən özüm də gəncəm. Özümdən yaşda kiçik qapıçılara da demək istəyirəm ki, hər zaman qarşılarına bir məqsəd qoysunlar və onun ardınca getsinlər. İstəyərəm ki, sözügedən qapıçılardan olum. Həm Azərbaycanda, həm də Avropada. Məqsədlərimdən biri Avropada oynamaqdır. Mən "Fənərbaxça" fanatıyam. Ən böyük arzularımdan biri də odur ki, "Fənərbaxça"da çıxış edim".
