Sport24.az
"Qarabağ"da çıxış etmiş futbolçular arasında bazar dəyəri ən yüksək olan futbolçular bəlli olub. Sport24.az-ın məlumatına görə, birinci pillədə Bosniya və Herseqovinadan olan Asmir Beqoviç qərarlaşıb.
Hazırda 37 yaşı olan qapıçı 2019-cu ildə Ağdam təmsilçisinə keçərkən onun qiyməti 7 milyon avro olub.
İkinci sırada isveçli hücumçu İnnosent Emeqara yer alıb. Karyerasını bitirən forvardın "süvarilıər"ə transfer olunan vaxt bazar dəyəri 3.5 milyon avro qiymətləndirilib. 2017-ci ildə "Qarabağ"da çıxış etmiş Pedro Enrike üçüncüdür - 3 milyon avro.
Növbəti pillələrdə Danilo Dias (2.5 milyon avro), Olavio Juninyo (2 milyona avro), Leandro Andrade (2 milyon avro), Aleksey Kaşuk (1.8 milyon avro), Nəriman Axundzadə (1.8 milyon avro), Riçard Almeyda (1,6 milyon avro) və Abdullah Zubir (1.6 milyon avro) qərarlaşıblar.
Qeyd edək ki, siyahı tərtib olunarkən futbolçuların "Qarabağ"ın heyətində olarkən ən yüksək bazar dəyərlərinə baxılıb.
