Sport24.az
Bu gün "Qarabağ" Çempionlar Liqasının III təsnifat mərhələsində ilk oyununa çıxacaq. Sport24.az xəbər verir ki, Qurban Qurbanovun yetirmələri "doğma divarlar" arasında Bolqarıstan təmsilçisi "Ludoqorets"i qonaq edəcək. Tofiq Bəhramov adına Respublika Stadionunda keçiriləcək matçı isveçrəli hakimlər briqadası idarə edəcək. Baş hakim Urs Şniderin start fiti saat 20:00-da səslənəcək.
Qeyd edək ki, bu komandalar arasında cavab oyunu avqustun 13-də Bolqarıstanda olacaq.
"Qarabağ" - "Ludoqorets" cütünün qalibi ÇL-in pley-off mərhələsində Zaqreb "Dinamo"su (Xorvatiya) ilə üz-üzə gələcək.
Çempionlar Liqası
III təsnifat mərhələsi, ilk oyun
6 avqust
20:00. "Qarabağ" – "Ludoqorets" (Bolqarıstan)
Hakimlər: Urs Şnider, Marco Zürcher, Benjamin Zürcher, Sven Wolfensberger (hamısı İsveçrə)
VAR: Fedayi San
AVAR: Johannes von Mandach
Bakı. Tofiq Bəhramov adına Respublika Stadionu
