Sport24.az
UEFA Avropa Liqasının Liqa mərhələsinin yekun statistik göstəriciləri açıqlanıb. Sport24.az xəbər verir ki, "Qarabağ"ın qapıçıları 8 qarşılaşmada 34 qurtarışla yadda qalıblar.
Azərbaycan çempionu bu göstəriciyə görə 4-cü pillədə qərarlaşıb.
"Fənərbağça" da eyni mövqedədir. Ukraynanın "Dinamo" (Kiyev) kollektivi birinci (41 seyv) olub. İsveç təmsilçisi "Elfsborq" ilə Bolqarıstanın "Ludoqorets" komandası (hər ikisi 37 seyv) 2-3-cü yerləri bölüşdürürlər.
Qeyd edək ki, "Qarabağ"ın Liqa mərhələsindəki matçlarda çərçivəni Mateuş Koxalski və Fabian Buntiç qoruyublar. "Köhlən atlar" turniri 3 xalla sonuncu-36-cı sırada başa vurub. Ağdamlılar çempionu 6 qol vurubsa, qapısında 20 top görüb.
