Sport24.az
Bu gün "Qarabağ" Avropa Liqasının Liqa mərhələsində 4-cü matçına çıxacaq. Sport24.az xəbər verir ki, Ağdam təmsilçisi Norveçdə "Bodo Qlimt"i ilə qarşılaşacaq.
Hazırda Avroliqanın turnir cədvəlində "Qarabağ" 0 xalla sonuncu - 36-cıdır. "Bodo Qlimt" isə 7 xalla 9-cu pillədə qərarlaşır.
Qurban Qurbanovun komandası 1-ci turda "Tottenhem"ə (0:3), 2-ci turda "Malmö"yə (1:2), 3-cü turda isə "Ayaks"a (0:3) məğlub olub.
"Bodo Qlimt" əvvəlcə "Portu"nu üstələyib (3:2), 2-ci turda "Yunion"la heç-heçə edib (0:0), daha sonra isə "Braqa"ya qalib gəlib (2:1).
Qeyd edək ki, görüş Bakı vaxtı ilə saat 21:45-də başlayacaq. Oyunu Portuqaliyadan olan hakimlər idarə edəcəklər.
Avropa Liqası
Liqa mərhələsi, IV tur
21:45. "Bodo Qlimt" (Norveç) - "Qarabağ" (Azərbaycan)
Hakimlər: Luis Qodinyo, Rui Teixeira, Pedro Almeida, Andre Narciso (hamısı Portuqaliya)
"Aspmira" stadionu
