Sport24.az
"Qarabağ"ın cari mövsüm bütün turnirlərdə vurduğu qollar müəyyənləşib. Sport24.az-ın məlumatına görə, Ağdam təmsilçisinin oyunçuları keçirdikləri 42 matçda 89 dəfə fərqləniblər.
Ölkə çempionu Premyer Liqa 62, Azərbaycan Kubokunda 6, Çempionlar Liqasının təsnifat mərhələsində 15 (əlavə vaxtda vurulanlar da nəzərə alınır) Avropa Liqasının Liqa mərhələsində 6 qola imza atıblar. Qurban Qurbanovun baş məşqçisi olduğu kollektiv bütün turnir daxil olmaqla qapısında 45 top görüb.
"Qarabağ" çempionatda 25 turdan sonra 60 xalla liderdir. Ölkə kubokunda da mübarizəni davam etdirən "köhlən atlar"ın qol sayında 100-ü keçəcəyi gözlənilir.
Komanda 2023/2024 mövsümündə 151 qolla yadda qalaraq rekorda imza atmışdı. Ağdamlılar həmin göstəricini təkrarlamaq üçün qarşıdakı 14 görüşdə (kubokda finala yüksəlsə) 4.42 qol ortalamasına sahib olmalıdır.
